異人都唔一定係好人《Marvel's Inhumans 異人族》
大家都知道索尼罪大滔天，但其實漫威都唔好得去邊 - 個故事 10 年都未完，睇完一套電影又要等一排先有得再追落去。正如男人小便，最忌疾下疾下。黃蜂女岩岩飛走，為左止一止痕，宇峰煲左原本打算拍電影但最終以電視戲形式推出既異人族《 Marvel's Inhumans 》。 所謂的異人就是因基因變異而擁有超能力的人類，情況就如變種特工。故事發生在一個為躲避人類，而逃上月球建立城市的王室內發生。王室成員包括便秘皇上（最強異人，聲帶威力驚人，嬌叱一聲，成座城就 GG ，所以唔講得野，日常要克制自己，故全程都程便秘模樣）、剪陸軍裝的中女皇后（無能力，因為佢既異能係控制頭髮，但故事無耐就俾大魔王剪左佢一頭長髮…）、好識計數既亞裔光頭佬（有能力計算所有事情既或然率，再作出行動）、雙腳係動物既蹄既黑人（隻腳大力 D 咁囉）、兩棲類刺客（好打得，但唔可以離開水太耐，結局個 1-2 集先出場）、一個可以控制地水火風各種元素既少女（理論上好勁，但成套劇只係用過行雷去話俾其他成員知佢係邊，等人搵到佢， WTF ）以及一條可以傳送人去唔同地方既狗。 劇情同師奶無劇有得 FIGHT – 因為唔係每個人都可以經人為異變而擁有超能力，無異能既普通人只可以做採下礦同掘下隧道呢 D 低下工作，階級分野都幾大。同樣身為凡人既二皇爺，雖然係皇室成員，但成日俾人笑同睇唔起，又永遠無得做皇帝，所以呢個自卑仔就拉攏普通既平民同一班皇家侍衛發動政變。劇情其實唔洗點討論，老土到未睇都知係點，為左睇下有咩異人會出，我忍！但係明明好強既異人，無啦啦會死左；又或者好似智力倒退到接近弱智既程度，有超能力唔用，而唔知係度做咩既時候，我好幾次都想打爆部電視！總之到最後，月球城市無左，便秘皇上一行人得到人類既幫助，帶同千幾個子民黎左地球定居。說好的 XMEN 大戰異人呢？無啦啦殺左千幾個有超能力既人黎地球，神盾局去左邊？個個異人基因咁特別，人類唔捉返幾個番去研究，搞下生物工程？無喇！套劇完左喇！我究竟睇左咩啊？！ 睇黎漫威世界既人類真係好好，願意接收同接受呢班月球難民，好似香港對每日 150 個黎港定居既「異人」一樣，俾屋佢住俾飯佢食，仲俾佢地安心繁殖。正如某局長所講：「異人都唔一定係好人」 – 啊，咁講有人會嬲嬲豬，應該話「有 D 異人都係好人」，香港...